Klara Hätzerlin

(30.) Aus Klara Hätzerlins Liederbuch

1. Ain wolgeziertes fräwelein (I.59)

Ain wolgeziertes fräwelein
Das tuott mir groß verlangen schein,
Ir mündlin rot, als ein Rubein,
Ir wänglen vein,
5 Zway grüblen darein,
Mit worten ist sy linde.

Sy hat ain antlütz, ist offenbar,
Goltuar gewunden ist ir har,
Vnd hat zway augen gleich dem adler,
10 Dy schön hatt sy gantz vnd gar,
Sy ligt mir in dem synne.

Ir zen sind weiß, ir hennd sind clain,
Ir prüstlen hertt, Ir füsslen rain;
Ach got, möcht ich mich mit ir verain,
15 So tätt mein leid verschwinden!

Zu beiden seiten ist sy langk,
In der mitt ist sy schwanck;
Ich nem ir gunst für all vogel sangk,
Sy ist vil schneller, dann ain funck,
20 Sy lockt mir, als ainem chinde.

2. Ain haubt von Behmer land (fol.1 Nr.7)

Ain haubt von Behmer land,
Zway weisse ärmlin von Prafand,
Ain prust von Schwaben her,
Von Kernten zway tüttlin, ragend als ain sper,
5 Ain pauch von Österreich,
Der wär schlecht vnd geleich,
Vnd ain Ars von pollandt,
Auch ain Bayrisch f[ud] daran,
Vnd zway füßlen von dem Rein:
10 Das möcht ain schöne fraw gesein!