| |
Graf Werner
von Honberg
25. Graf Werner von Honberg
1. Mich jâmert ûz der mâze
(SMS XXVI,4)
Mich jâmert ûz der mâze
nâch der vil lieben vrouwen mîn.
got alle die verwâze,
dur sie ich schiuhen muoz
5 ir wîplîch zartes bilde,
ir mündel rôt, ir wengel schîn:
sol mir daz wesen wilde,
dâ bî ir friuntlich gruoz,
ir kinne, ir kel, ir goltvar hâr,
10 ir hende, ir arme
blanc,
ir lîp, ir nas, ir ougen klâr,
sol ich daz lange mîden,
sô muoz ich kumber lîden
und wirde an fröiden kranc.
|
