| |
Albrecht
von Johansdorf
5. Albrecht von Johansdorf
1. Diu Saelde hât gekroenet mich
(MF 92,35 Schweikle)
1 Diu Saelde hât gekroenet mich
gegen der vil süezen minne,
des muoz ich iemer êren dich
vil werde küniginne.
5 swenne ich die vil schônen hân,
sône mac mir niemer missegân.
si ist aller güete ein gimme.
2 Geprüevet hât ir rôter munt,
daz ich muoz iemer mêre
mit fröiden leben zaller stunt,
swar ich des landes kêre.
5 alsô hât si gelônet mir,
gescheiden hât mich niht von ir
frou Zuht mit süezer lêre.
|
